Batzuetan, drogen arloan ezer ez egiteko ematen diren arrazoiek errealitatea
ez dela ondo ezagutzen erakusten dute. Hona hemen ematen diren arrazoi
horietako batzuk:
"Hemen ez dugu arazorik".
Drogak gizarteko errealitatearen zati bat dira, eta hori ez da geratzen
enpresako ateetatik kanpora.
"Ez da lehentasuna duen gaia".
Osasunarekin eta ongizatearekin zerikusia duen gai garrantzitsu
bat da, eta eragin handia dauka enpresako bizitzan.
"Programa bat abian jartzeak itxura
eskasa emango luke". Kontrakoa gertatzen da, gai honetan
politika zehatza eta gogotsua duten enpresei izen ona ematen baitie.
"Zaila izango litzateke inbertsio hori
justifikatzea". Gaiari ihes egitea izango litzateke
benetan ulertzen zaila, jakinekoa baita enpresarentzat zenbateko
kostua duen langileek drogak neurriz kanpo hartzeak.
"A zer lana sindikatuak konbentzitzea".
Sindikatuak gaiaren inguruko ekarpen interesgarriak egiten ari dira.
Zigortzearekin zerikusirik ez duten jarduerek, lankidetza eta koordinazioa
gogoan izanda burututakoek, errazagoa egingo dute sindikatuen konpromisoa.
Arazoa benetan hor dagoela onartzen dugunean hasiko gara zerbait egin
ahal izateko ateak zabaltzen